«بۆ مامۆستا» - زانیاریی هه‌مه‌ڕه‌نگ

HeftewaneyKariger_1.gifکاری ڕۆژانه‌ی نێو پۆل، به‌شێکی گرینگن له‌  پڕۆسه‌ی «فێرگه‌ی هاوچه‌رخ». په‌یوه‌ندیی سازه‌نده‌ی نێوان فێرخواز، مامۆستا، به‌ڕیوه‌به‌ر و سه‌رپه‌رشتیاران، له‌ لایه‌ک و دانوستانی دروست له‌گه‌ڵ خێزانی فێرخوازان له‌ لایه‌کی دیکه‌وه‌، پێشمه‌رجن بۆ پێشڤه‌چوون و ده‌ستڕه‌سیی به‌ زانیار.

ئه‌م گۆشه‌یه‌ «په‌یامی مامۆستایه‌ بۆ مامۆستا» ده‌رباره‌ی کاری ڕۆژانه‌ی نێو پۆل و ده‌روازه‌ش بۆ ئه‌زموون هه‌موو مامۆستایه‌ک ئاواڵه‌یه‌، نه‌خشی هه‌بێ له‌ په‌خشی زانستی خۆی. فه‌رموو تۆش هاوکار به‌!

تایبه‌تمه‌ندیی فێرگه‌ی هاوچه‌رخ

1.    ڕێسای پۆل – فێرخوازان له‌ پۆلدا به‌ ڕێنوێنی و هاوکاریی مامۆستا – نه‌ک به‌ فه‌رمانی ئه‌و- له‌ پڕۆسه‌یه‌کی سازه‌نده‌دا، خۆیان ڕێسا بۆ هه‌ڵسوکه‌وتی خۆیان داده‌ڕێژن.

2.    RupeewaniMatematik_1.gifبازنه‌ی به‌یان – ده‌ستپێکی ڕۆژ، فێرخوازانی پۆل به‌ ده‌وری مامۆستادا له‌ بازنه‌یه‌کدا کۆ ده‌بنه‌وه‌. چه‌ند خاڵیکی گرینگی ژیان له‌م بازنه‌یه‌دا هه‌موو ڕۆژیک دێته‌ به‌رباس. ڕۆژژمێر، که‌شوهه‌وا، ده‌نگوباسی خۆماڵی و جیهانی، نه‌خشه‌ی کوردستان و جیهان، ژینگه‌ و ...هتد.

3.    گرووپکاری – پۆلی هاوچه‌رخ فێرخوازان له‌ گرووپدا ڕێک ده‌خات. هه‌موو گرووپێک له‌ ده‌وری مێزێک داده‌نیشن و کاری ڕۆژانه‌ی نێو پۆل وێکڕا ئه‌نجام ده‌ده‌ن. مامۆستا ده‌بێته‌ ڕێنوێن و فێرخواز چالاکانه‌ هاریکاری یه‌کدی ده‌که‌ن بۆ وه‌ده‌ست هێنانی زانست و هونه‌ر.

4.    هه‌ڵسه‌نگاندن و دیڤچوون – هه‌ڵسه‌نگاندنی ئاستی فێرخواز هونه‌ری خۆی هه‌یه‌. مامۆستای کارزان له‌ ڕێی هه‌ڵسه‌نگاندن و دیڤچوونه‌وه‌ هه‌م ئوستادی خۆی ده‌نوێنێ هه‌م په‌رۆشی بۆ ئایه‌نده‌ی فێرخوازان.

5.    گه‌شتی پۆل و ده‌وروبه‌رناسین – که‌ی ڕه‌وایه‌ له‌ وه‌ڵاتێکی وه‌ک کوردستان منداڵی فێرگه‌ له‌و گه‌نجینه‌ فه‌رهه‌نگی و سروشتییه‌ی وه‌ڵاته‌که‌ی خۆی بێئاگا بێ؟ ئه‌دی فێرگه‌ کاری چییه‌؟ فێرگه‌ی هاوچه‌رخ سووره‌ له‌سه‌ر ڕێکخستنی گه‌شتی دوور و نێزیک بۆ فره‌واندنی هزری منداڵ.

6.    دیداری گه‌شه‌ - دیدارێکی یه‌ک سه‌عاتی له‌گه‌ڵ یه‌ک منداڵ و خێزانی به‌رپرس له‌و منداڵه‌ (دایکوباوک) به‌ مه‌به‌ستی ئاگاهی و PlaniFeerge_Eng_1.gifهۆشداربوونه‌وه‌ی هه‌موان ده‌رباره‌ی بارودۆخی منداڵه‌که‌، بناخه‌یه‌کی یه‌کجاری گرینگه‌ بۆ گه‌شه‌ی ئه‌م منداڵه‌. بۆ خوێندنه‌وه‌ی زیاتر تکایه‌ بڕوانه‌ کتێبی «خیزان و ناسکه‌ساڵ» له‌ به‌شی کتێبخانه‌ی ئه‌م سایته‌دا.

7.    پلانی هه‌فتانه‌، وه‌رزانه‌ و ساڵانه‌ی مامۆستا – ئوستادیی مامۆستا ئه‌وه‌نده‌ی له‌ هونه‌ری وانه‌گوتنه‌وه‌دا دیاره‌، ئه‌وه‌نده‌ش توانای ڕێکخستن، پلانڕێژی، هه‌ڵسه‌نگاندن و دیڤچوون ده‌گرێته‌وه‌.

«...»