کارنامهی «فێرگهی کهرکووک» ی «کۆمهک»

1. وێنا

فێرگهی کۆمهک بۆ ڕاهێزانی جهوانی کهرکووکه. به تایبهتی بۆ ئهو جهوانهیه که لهبهر ههر هۆیهک بێت له خوێندن دابڕاوه و پهراوێز کهوتووه. لهم خوێندنهدا جهوانان فێری هونهری وهها دهبن سبهیڕۆژ ئاسانتر جێی خۆیان له خوێندنی بهرزتر و بازاڕی کاردا بدۆزنهوه. مهبهست ئهوهیه جهوانان به گیانێکی پڕ هیواوه کار بۆ پێشهڕۆژی خۆیان بکهن. بیر له ژیانی ئێستهیان بکهنهوه و چالاکانه ههنگاوی ڕووهو داهاتوو ههڵنێن. بهشی تیۆری ئهم خوێندنه دهربارهی بههاگهلی دێمۆکراسی، مافی مرۆڤ، مافی میللی و هتد بۆ فرهواندنی گۆشهنیگای فێرخوازانه، بۆ ئاواڵه کردنی دهروازهیهکه ڕووهو کهژێکی سازگارتری ههڵ کردن و هاوژینی.

2. ئامانج

ئامانجی فێرگهی کۆمهک دوو بهشه:

• ئامانجی کورتمهودا که بریتییه لهوهی فێرخواز بهجیددی بهشداری پرۆسهی ئهم خوێندنه ببێت و سوودی لێ ببینێت. له ڕووی تێۆرییهوه ئاشنای بنهما دێمۆکراتییهکان، مافی مرۆڤ، مافی میللی و ههروهها ساختار و شێوهی کاری UN ببێت.
• ئامانجی درێژمهودایش بریتییه لهوهی فێرخواز پاش ئهم خوێندنه وهک ئهندامێکی توانا و چالاک ڕۆڵی ئایهتی له ڕهوتی کۆمهڵگهدا ههبێت. ئهو زانست و هونهرهی فێری بووه بخاته کار و له نێو کۆمهڵگهدا بڵاوی بکاتهوه.

3. ستراتیژی پیاده کردن

کۆمهک پێی وایه ئهمڕۆ له کهرکووک ههم زهمینه لهباره بۆ بهڕێوه بردنی پرۆژهیهکی وهها ههم پێداویستییهکی گهورهیه. ڕێکخراوی ForumSyd ی سوێدی (که دۆنهری ئهم پرۆژهیهی کۆمهکه) له ڕێنامهی خۆیدا دهربارهی پرۆژهی گهشه کردن چهند پێوهرێک لهم بوارده دهخاته ڕوو:

• چهند لهباره: کۆمهک له شاری کهرکووکدا خاوهن ئهزموونه و چهند ساڵه کار لهسهر پرۆژهی ههمهجۆری گهشه پێدان دهکات. توانای ئهوهشی ههیه ئهم پرۆژهیه به شێوهیهکی سهرکهوتوو بگهیهنێته ئهنجام. جگه لهوهش کۆمهکی سوێد تۆڕێکی پهیوهندیی بهرفرهوانی ههیه و بۆ سهرخستنی پهم پرۆژهیه دهخرێته کار.
• پیاده کردن: توانای کۆمهک ههم له سوێد و نهروێژ و ههم له کوردستان دهستهبهره بۆ پیاده کردنێکی سهرکهوتووانهی ئهم پرۆژهیه. جگه لهوهش سروشتی ئهم خوێندنه به بهشی تیۆری و بهشی پراکتیکهوه، دهبێته هۆکارێکی دیکهی سهرکهوتن پیاده کردنی پرۆژهکه لهبهر ئهوهی فێرخوازان بهدهم خوێندنهوه ئاشنای ئهو باسانه دهبن که پێویسته بۆ بهڕێوهبردنی پرۆژهی گهشه کردنی لهم بابهته.
  
• بهردهوامبوون: هاوئاههنگیی نێوان کۆمهکی کوردستان و کۆمهکی سوێد – نهروێژ کار لهسهر بهدواداچوون و ههڵسهنگاندن دهکات و ههروهها کار بۆ گواستنهوهی بهرپرسایهتیی پرۆژهکه دهکات بۆ لایهنی پهیوهندیداری شاری کهرکووک.
  
  

4. دهربارهی ئهم خوێندنه

له ماوهی 40 ههفتهدا، ههفتهی پێنج ڕۆژ، ڕۆژی پێنج سهعات نێزیکهی ههزار سهعات وانه دهگوترێتهوه. بهگشتی بیست ههفتهی دهستپێک جهخت لهسهر زمانی کوردی، ئینگلیزی و داتاکاری دهکرێت. بیست ههفتهی کۆتا جڤاتناسی و ڕاگهیاندن مهودایان بهرینتره. ههڵبهت ئهم سهردێڕانه گشتین و وردهبابهتی دیکهی گرنگ دهگرنه خۆ. لهوهش بترازێت دابهشینی تیۆری و پراکتیکی وانهکان لهگهڵ مامۆستای ههر بابهتێکدا بڕیاری دهدرێت و بڕیاریش وههایه بهشی پراکتیک تهواو بهرفرهوانه و سهرجهم بابهتهکان دهگرێتهوه.

· خشتهی وانهکان

ههفتهی 1 – 10	سهعات	تێبینی	کۆی بابهت	کۆی گشتی
زمانی کوردی	40		40	40
زمانی ئینگلیزی	60		60	100
داتاکاری	50	Windows & MicrosoftOffice, Intranet & Internet	50	150
جڤاتناسی	50	جڤاتناسی / دهروونناسی / ژینگهپارێزی	50	200
ڕاگهیاندن	50	مێدیاناسی، ئاکاری مێدیا	50	250

ههفتهی 11 – 20	سهعات	تێبینی	کۆی بابهت	کۆی گشتی
زمانی کوردی	40		80	300
زمانی ئینگلیزی	60		120	350
داتاکاری	50	Multimedia: Photoshop, SoundfForge, Cubase	100	400
جڤاتناسی	50	فهلسهفه، مافی مرۆڤ، مافی میللی، یهکسانی زایهند	100	450
ڕاگهیاندن	50	تهکنیکی دهنگ، مۆنتاژ، نووچه، دۆزکاری	100	500

ههفتهی 21  - 30	سهعات	تێبینی	کۆی بابهت	کۆی گشتی
زمانی کوردی	10		90	510
زمانی ئینگلیزی	10		130	520
داتاکاری	10	Adobe Premiere  و پرۆژه	110	530
کارگێڕی و ئابووری	20	بنهما و تیۆری	20	550
جڤاتناسی	100	سیاسهتی نێودهوڵهتی، UN / EU و هاوژینی و ژینگهپارێزی	200	650
ڕاگهیاندن	100	ههڵکۆڵین، دیمانه، دانوستاندن	200	750

ههفتهی 31 – 40	سهعات	تێبینی	کۆی بابهت	کۆی گشتی
زمانی کوردی	10		100	760
زمانی ئینگلیزی	10		140	770
داتاکاری	10	پرۆژه	120	780
کارگێڕی و ئابووری	20	پراکتیک	40	800
جڤاتناسی	100	فهلسهفه، ماف، دهستوور و قانوون	300	900
ڕاگهیاندن	100	هونهری گێڕانهوه، ڕێپۆرتاژ، ڕێدارکسیۆن	300	1000

· ڕوانگهی زایهند - جێوڕێی خانمان لهم ناوچهیهدا دۆزێکه پێویستی به وردبوونهوه و کاره. فێرگهی کۆمهک له ڕوانگهیهکی یهکسانی زایهندهوه کار دهکات. له ههڵبژاردنی ههم مامۆستا و ههم فێرخوازاندا یهکسانی خانمان ڕهچاو دهگیرێت. جگه لهوهش ناوهڕۆکی خوێندنهکه و شێوازی وانهگوتنهوهش بهرتینی ئهم باسهیه. ههر بۆ نموونه لایهنی ههمهجۆری دۆزی ژنان له وانهکانی جڤاتناسی و ڕاگهیاندندا سهنگی تایبهتیان دهبێت.

· سهرچاوهی وانهکان - ههڵبژاردنی سهرچاوهی وانهکان لهگهڵ مامۆستای ههر وانهیهک دهخرێته بهرباس و بڕیاری دهدرێت. له میانهی خوێندنهکهشدا بهپێی ههلومهرجی خوێندن و پێداویستی دهستکاری دهکرێت.

5. تۆڕی هاوکاری و هاوئاههنگی

به مهبهسهتی پتهو کردنی بنهماکانی ئهم خوێندنه پهیوهندی

• لهگهڵ وهزارهتی وهرزش و لاوانی حکوومهتی ههرێم کوردستان گیراوه به مهبهستی سوود وهرگرتن له توانا و دهرفهتی ڕادیۆی لاوانی کهرکووک – که پرۆژهیهکی وهزارهتی وهرزش و لاوانه له کهرکووک.
• ڕاوێژ به وهزارهتی پهروهردهی حکوومهتی ههرێمی کوردستان کراوه بۆ ڕێک کهوتن لهسهر ئاست و ماوهی ئهم خوێندنهوه و سهلماندنی له ڕێی ئهوانهوه.
• ههروهها ڕاوێژ به کهسانی پسپۆری ههندهران کراوه به مهبهستی هاوکاری و بهشداری لهم پرۆژهیهدا.

 «...»