ShearzadAbdulla_2011.jpg

په‌یوه‌ستی «کۆمه‌ک» له‌ ساڵی 2003 پاش ڕمانی عیراق و ڕزگاربوونی که‌رکووک که‌وته‌ تۆڕبه‌ندی و له‌ به‌هاری 2004 دا «کۆمه‌کی که‌رکووک» به‌ مه‌به‌ستی ڕاهێزانی پڕۆسه‌ی فێرکاری و پته‌و کردنی جڤاتی سیڤیل، هاته‌ دامه‌زراندن.

 

پوخته‌ی پڕۆژه‌کانی «کۆمه‌کی که‌رکووک» له‌ 2004 ه‌وه‌

1)      «بنکه‌ی خاسه» - بنکه‌یه‌کی فه‌رهه‌نگی بوو له‌ به‌هاری 2004 ه‌وه‌ هه‌تا هاوینی 2007 له‌ گه‌ڕه‌کی «حه‌سیره‌که» سه‌دان خولی داتاکاری، زمان، جڤاتناسی، ماف و مۆسیقای بۆ منداڵان و مامۆستایان کردۆته‌وه‌.

2)      خولی نێو فێرگه‌ - ساز کردنی خولی داتاکاری، زمان و ماف بۆ ماوه‌ی دوو ساڵ به‌ به‌رده‌وامی له‌ نێو 5 فێرگه‌ی دواناوه‌ندی: کوێستان، نێرگز، هۆزان، هه‌ورامان و 11 ی ئازار بۆ فێرخواز و مامۆستایان.

3)      چاپ کردنی 10 هه‌زار کتێب به‌ زمانی کوردی بۆ ئه‌و فێرگه‌یانه‌ی له‌ شاری که‌رکووکدا خوێندنیان به‌ زمانی عه‌ره‌بییه‌ و وانه‌ی کوردییان نییه‌. له‌م پڕۆژه‌یه‌دا – له‌سه‌ر داوای «کۆمه‌کی که‌رکووک» و به‌ دابین کردنی ئه‌و کتێبانه‌ - وانه‌ی زمانی کوردی خرایه‌ مه‌نهه‌جی 25 فێرگه‌وه‌. جگه‌ له‌ شاری که‌رکووک، فێرگه‌ی ناوه‌ندی و دواناوه‌ندی قه‌زای «دووز» و «خانه‌قین» کتێبه‌یان بۆ ته‌رخان کرا.

4)      دروست کردنی 6 کتێبخانه‌ به‌ سه‌رجه‌م که‌لوپه‌له‌کانییه‌وه‌ بۆ فێرگه‌ ناوه‌ندی و دواناوه‌ندێکانی شاری که‌رکووک وه‌ک فێرگه‌ی: کاوه‌، به‌رته‌کیه‌، نێرگز، کوێستان، 11 ی ئازار، هه‌وره‌مان و ئازادی. کتێبخانه‌ی سێ له‌م فێرگه‌یانه‌ به‌ هاوکاریی «کۆمه‌ڵه‌ی دۆستانی که‌رکووک» ساز کرا.

5)      کردنه‌وه‌ی 4 بنکه‌ی «نه‌هێشتنی نه‌خوێنده‌واری» بۆ خانمانی ئاواره‌ گه‌ڕاوه‌کان:

      بنکه‌ی «له‌یلا زانا» له‌ گه‌ڕه‌که‌ی «فه‌یله‌ق»

      بنکه‌ی «گه‌شبین» له‌ گه‌ڕه‌کی «په‌نجا عه‌لی»

      بنکه‌ی «سه‌رچنار» له‌ گه‌ڕه‌کی شۆریجه‌

      بنکه‌ی «مه‌ستووره» له‌ گه‌ڕه‌کی باروودخانه‌.

جگه‌ له‌ فێربوونی خوێندنو نووسین و سه‌راتاکانی ژماره‌کاری، له‌م بنکه‌یانه‌دا وانه‌ی گشتی دیکه‌ ده‌رباره‌ی ماف و ساخله‌می ده‌هاتنه‌ به‌رباس.

6)      ئه‌نجامدانی چه‌ندین پڕۆژه‌ به‌ هاوکاریی وه‌زاره‌تی «وه‌رزش و لاوان» ی کابینه‌ی پێنجه‌می حکوومه‌تی هه‌رێمی کوردستان، بۆ نموونه‌:

·         دامه‌زراندنی «فه‌رهه‌نگخانه‌ی که‌رکووک» و هه‌روه‌ها «ڕادیۆی لاوانی که‌رکووک».

·         هاوکاریی فێرگه‌ی «دواناوه‌ندیی کوێستان» به‌ دابین کردنی که‌لوپه‌لی نێو پۆله‌کان.

·         گه‌شتێکی فه‌رهه‌نگی بۆ فێرخوازانی فێرگه‌ی «دواناوه‌ندیی کوێستان» بۆ زانکۆی سوله‌یمانی.

·         یاد کردنه‌وه‌ی ساڵڕۆژی جیهانیی ژینگه‌پارێزی به‌ هه‌ڵمه‌تی خاوین کردنه‌وه‌ی شار و چاندنی نه‌مام.

7)      به‌رنامه‌ی «ڕاهێزانی مامۆستا» - ساز کردنی به‌رنامه‌یه‌کی تایبه‌ت به‌ مامۆستایانی شاری که‌رکووک له‌ هه‌واری «ئارام» ی شارۆچکه‌ی دوکان. ئه‌م به‌رنامه‌یه‌ چوار ڕۆژی خایاند و نێزیکه‌ی 40 مامۆستای چه‌ندین فێرگه‌ی که‌رکووک تێیدا به‌شداربوون. مامۆستای پڕۆفیسۆر ئامانده‌ کلینتۆن – پسپۆری پێداگۆگی و ده‌روونناسیی منداڵ – له‌م به‌رنامه‌یه‌دا هونه‌ری وانه‌گوتنه‌وه‌ی روون کرده‌وه‌.

8)      «فێرگه‌ی مێدیای که‌رکووک» 2007-2008- کردنه‌وه‌ی فێرگه‌یک بۆ بارهێنانی کادیری ڕاگه‌یاندن به‌ شێوازێکی ئه‌کادیمی. نێزیکه‌ی 40 فێرخواز به‌شداری ئه‌م به‌رنامه‌یه‌ بوون و له‌ کۆتادا 26 کادیری کارزانی ڕاگه‌یاندنی خوێندنیان ته‌واو کرد و به‌شێکیان ئێستا له‌ مێدیای که‌رکوودا کاران.

 

شێرزاد عه‌بدوڵا

2011-01-23

که‌رکووک / کوردستان